İranda baş vermiş iğtişaşlarda 42 min insan iştirak edib.

Oxu.Az xəbər verir ki, bu barədə İranın daxili işlər naziri Əbdülrza Rəhmani Fəzli bildirib.

“Dəqiq məlumatlara əsaslanaraq deyə bilərəm ki, etirazlarda 42 minə yaxın insan iştirak edib. Bu isə o qədər də böyük rəqəm deyil”, – deyə nazir əlavə edib.

DİN rəhbəri bildirib ki, etraz aksiyalarının keçirilməsi təbii haldır və bu cür hadisələr dünyanın istənilən ölkəsində olur.

Qeyd edək ki, İranın müxtəlif şəhərlərində təşkil olunmuş etirazlar zamanı baş vermiş qarşıdurmalarda 20 nəfər ölüb, 450 nəfər isə həbs olunub.