“PSJ” klubunun hücumçusu Neymar 2018-ci ilin dünya çempionatına qədər komandadan getmək niyyətindədir.
Stv.az “Sport.es” saytına istinadla xəbər verir ki, futbolçu atasından və agentindən “Real” ilə danışıqlara başlamağı xahiş edib. Forvard bu transferin onun Braziliya yığması uğrunda keçirəcəyi oyunlardan yayındırmasını istəmir.
Xatırladaq ki, Neymar dünyanın ən bahalı futbolçusudur. 2017-ci ilin yayında “PSJ” onun üçün “Barselona” klubuna 220 milyon avro ödəyib. KİV məlumatlarına görə, “Real” onu əldə etmək üçün 400 milyon avro xərcə düşməli olacaq.
