Dekabrın 23-də Hacıqabul rayonunda Dini Qurumlarla İş üzrə Dövlət Komitəsinin (DQİDK) Şirvan bölgəsi üzrə şöbəsi, Hacıqabul rayon Natiq Rüstəmov adına Abdulabad kənd tam orta məktəbinin birgə təşkilatçılığı ilə “Məktəblilərin radikal dini düşüncələrdən qorunmasında təhsilin əhəmiyyəti” mövzusunda tədbir keçirilib.

Tədbirdə DQİDK-nın Şirvan bölgəsi üzrə şöbəsinin əməkdaşı Alpay Şərifli, məktəbin direktoru Budaq Cəfərov, Abdulabad kənd “Cümə” məscidinin dini icma sədri Həsrət Şıxalıyev, müəllimlər və şagirdlər iştirak ediblər.

Çıxışlar zamanı mövzunun əhəmiyyətindən bəhs olunub. Qeyd olunub ki, ölkəmizdə uşaqların keyfiyyətli təhsil almaları üçün hər cür şərait yaradılıb. O da vurğulanıb ki, dinin dövlətdən ayrı olması, təhsil sisteminin dünyəvi xarakter daşıması və bütün dinlərin qanun qarşısında bərabər olması konstitusiyamızda öz əksini tapıb.

Sonda isə mövzu ilə bağlı iştirakçıları maraqlandıran suallar cavablandırılıb.