Yunanıstanda 148 Ukrayna vətəndaşı saxlanılıb. Onlardan 132 nəfəri miqrantları qanunsuz daşımaqda ittiham olunur.
Stv.az xəbər verir ki, bu barədə Ukrayna Xarici İşlər Nazirliyi məlumat yayıb.
Yunanıstan Ədliyyə Nazirliyi Ukrayna tərəfinə məlumat verib ki, saxlanılan 148 ukraynalının 105 nəfəri barəsində müxtəlif müddətə azadlıqdan məhrumetmə cəzası verilib. 43 nəfəri barəsində istintaq əməliyyat tədbirləri aparılır.
Yunanıstan qanunvericiliyində qeyd olunur ki, miqrantların qanunsuz daşınmasına görə vətəndaşlar 25 ilə qədər azadlıqdan məhrum edilə bilərlər.
